Welkom by ons webblad!
Laerskool Eligwa is geleë aan die oewer van die Vaalrivier en word beskou as een van die toonaangewende skole in die Vaaldriehoek. Ons onderwyskorps is voortreflik en toegewyd en beskou dit as hul voorreg en roeping om elke leerling sy volle potensiaal te laat bereik. Ons is ook trots op ons waardes wat oral op die terrein gesien kan word en is altyd bereid om te vernuwe. Ons beskik oor 'n fantastiese ondersteuningsnetwerk en dinamiese bestuurspan. Ons waarborg dat daar 'n geleentheid vir elke kind sal wees wat hard werk en wil presteer. Laerskool Eligwa is kindgedrewe en ons leef die skool se leuse uit naamlik: Streef steeds hoër! Ons kan slegs sukses behaal indien ons hande vat en as 'n span saamwerk. Hartlik welkom aan ons nuwe personeel, ouers en leerlinge. Mag elkeen baie gelukkig wees en dadelik inskakel by ons wenspan. Eligwa groete, Bennie Boshoff
.
Ons eie “branded” kouse om saam met sportdrag, Vrydagdrag en sweetpakke te dra.
Ons neem op ‘n gereelde basis foto’s van ons leerlinge gedurende sportbyeenkomste of ander skoolaktiwiteite. Indien u nie wil hê dat u kind se foto op Facebook geplaas mag word nie, versoek ons u vriendelik om ‘n skrywe aan die skool te rig.
Laerskool Eligwa
Saalopening: 25 Mei 2026
Juffrou Patrys se boodskap,
" Die Evangelie met sjokolade".
Bar One sê: “Ek is nommer 1!” Baie mense leef ook só – alles gaan net oor hulleself.
Top Deck wys dat mense net die buitekant sien, maar God sien ons harte en ons sonde.
As God se kinders moet ons soos ’n 5 Star skyn, sodat ander Jesus in ons kan sien.
Kit Kat sê: “Take a break.” Maak tyd vir God, want hoe meer tyd jy saam met Hom spandeer, hoe beter leer jy Hom ken.
Kies Jesus vandag, want God het jou baie lief.
Laerskool Eligwa
Laerskool Eligwa se Cheerpoppies het op 7 Mei aan Lumière se cheergeleentheid by die Veiling deelgeneem. Tydens hierdie geleentheid het verskeie cheergroepe die geleentheid gekry om hul roetines aan mekaar ten toon te stel, ervaring op te doen en mekaar te ondersteun.
Laerskool Eligwa
Ons leerders het hul kleurvolle sokkies en gemaklike pantoffels met trots gedra ter ondersteuning van ons leierfondsinsameling.
Baie dankie vir almal wat deelgeneem het se ondersteuning!
Laerskool Eligwa
Ons Graad 2-leerders het hul kreatiwiteit gewys met die maak van kleurvolle dieremaskers. Elke masker vertel die storie van 'n gunstelingdier!
Laerskool Eligwa
Baie geluk aan Graad RR/E en Graad 4M!
Hierdie twee klasse het die meeste borgvorms vir ons karnaval voltooi en is daarom lekker bederf vir hulle uitstekende deelname.
Dankie aan elke leerder en ouer wat bygedra het tot die sukses van ons karnaval.